"Kəpəz" layiqli qələbə qazandı. Onları təbrik edirəm. Planlaşdırdıqlarımızı edə bilmədik".
İdman.biz xəbər verir ki, bunu "Turan Tovuz"un baş məşqçisi Qurban Berdiyev "Kəpəz"lə oyundan sonra deyib.
Mütəxəssis bildirib ki, bu görüşdə oyunları alınmayıb: "Bu gün heç nə alınmadı. Təbii ki, bunun müəyyən səbəbləri var. Digər matçlara baxsaq, pis oynamamışdıq. Təhlillər edib səbəbləri axtaracağıq".
Berdiyev komandanın oyunçuları ilə bağlı da fikirlərini bölüşüb: "Orxan pis futbolçu deyil. İlk matçıdır, bir az həyəcan var idi. Yavaş-yavaş düzələcək. Sadiq Quliyev ilk dəfədir oynayırdı, Araş Qaderi xəstəlikdən sonra qayıdıb. Müdafiədəki problemlər öz təsirini göstərdi. Standart vəziyyətlərdə ciddi səhvlərimiz var idi. Belə qollar buraxacağımızı gözləmirdik. Çünki standart vəziyyətlərin üzərində çox işləyirdik".
Qeyd edək ki, Misli Premyer Liqasının XIX turunda Tovuz şəhər stadionunda keçirilən oyundə "Kəpəz" meydan sahibinə 5:2 hesabı ilə qalib gəlib.
İdman.biz
