ABŞ Konqresinin Nümayəndələr Palatasının keçmiş spikeri Nensi Pelosi prezident Donald Trampın 2021-ci ilin yanvarında Kapitol mühasirəsində iştirak etməkdə təqsirli bilinənləri əfv etmək qərarını “rüsvayçılıq” adlandırıb...
Poliqon xəbər verir ki, bu barədə Nensi Pelosi Sky News telekanalına danışıb.
“Prezidentin hakimiyyətin dinc yolla keçidini pozmaq cəhdini dayandırmaq üçün həyatlarını riskə atan polis məmurlarını tərk etməyi və onlara xəyanət etməyi özünün əsas prioritetlərindən biri etməyi seçməsi utancvericidir”, deyə Pelosi bildirib.
Siyasətçinin sözlərinə görə, Trampın qərarına baxmayaraq, insanlar demokratiyanın 6 yanvar “qaranlıq günündən” sağ çıxmasına imkan verən müdafiəçiləri xatırlamalıdırlar.
Qeyd edək ki, Kapitoli 6 yanvar 2021-ci ildə Trampın tərəfdarları tərəfindən basqına məruz qalıb. Tramp məğlub olduğu 2020-ci il prezident seçkilərinin nəticələrini ləğv etməyə çağırıb. Hücum Kapitol binasının boşaldılmasına və bağlanmasına səbəb olub və seçki səslərinin hesablanması və Co Baydenin qələbəsini rəsmiləşdirmək üçün Konqresin birgə iclasını dayandırıb.
Poliqon.info
