1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İspaniyanın şərqində yerləşən Barselona şəhərində limanda partlayış baş verib.
Bu barədə Oxu.Az "Haber Global"a istinadən xəbər verir.
Məlumata görə, partlayış nəticəsində 1 nəfər ölüb, 4 nəfər yaralanıb. Yaralılardan birinin vəziyyəti ağırdır.
Bildirilir ki, hadisə limandakı anbarlardan birində təmir işləri aparılan zaman baş verib.
Barselona bələdiyyəsindən verilən açıqlamaya görə, içərisində asetat olan çən partlayıb, kimyəvi risklə bağlı fövqəladə vəziyyət planı tətbiq edilib.
Səlahiyyətlilər ərazidə təhlükəsizlik bölgəsinin yaradıldığını bildiriblər.
