Qrenobl meri və ekoaktivist Erik Piol Fransa Prezidenti Emmanuel Makronu kannabisi dekriminallaşdırmaq üçün referendum keçirməyə çağırıb.
Piol hazırkı daxili işlər nazirini və onun sələflərini narkotik vasitələrin qanunsuz dövriyyəsinə qarşı səthi mübarizə ilə kifayətlənməkdə ittiham edib.
“Əgər kannabis aradan qaldırılsa, dövriyyənin 50 %-i yox olacaq”, – Piol bildirib. Onun sözlərinə görə, heç bir təşkilat, o cümlədən mafiya strukturları gəlirlərin bu cür azalmasından sonra mövcud ola bilməz.
O, həmçinin Makrona bu məsələ ilə bağlı referendum keçirməyi təklif edib: “Bu, problemə birbaşa yanaşmağa imkan verəcək”.
Bundan başqa, Piol bir-birini əvəzləyən daxili işlər nazirlərini dekriminallaşdırma məsələsini müzakirəyə çıxarmaqdan imtina etdiklərinə görə tənqid atəşinə tutub. Mer deyib ki, onlar faktiki olaraq narkotik ticarətinə qarşı mübarizəni “öz bizneslərinə” çevirib, yalnız səs-küylü bəyanatlar verməklə və uzunmüddətli təsiri olmayan tədbirlərlə kifayətləniblər.
