"Qarabağ"la oyunda bəxtimiz gətirdi.
Paralel.az "Report"a istinadla xəbər verir ki, bunu FCSB-nin (Rumıniya) baş məşqçisi Elias Xaralambous Bakıda "Qarabağ"a qarşı keçirdikləri UEFA Avropa Liqasının oyunundan sonra mətbuat konfransında deyib.
Mütəxəssis qələbə qazandıqları görüş barədə danışıb:
"Gözəl oyuna və qələbəyə görə çox sevinirəm. Bizi çətin matçın gözlədiyini demişdim. Həqiqətən "Qarabağ"la görüşdə çox əziyyət çəkdik. Düşünürəm ki, bəxtimiz də gətirdi. Oyundan əvvəl "Qarabağ"ı yaxşı təhlil etmişdik. Standart vəziyyətərə yaxşı hazırlaşmışdıq. İstədiyimiz qolları vurduq və qələbə qazandıq".
Qeyd edək ki, Avropa Liqasının Liqa mərhələsinin VII turunun “Qarabağ” – FCSB matçı Rumıniya klubunun 3:2 hesablı qələbəsi ilə bitib.
