"Neftçi" qış fasiləsində heyətini yeni futbolçu ilə gücləndirməyə yaxındır.
Söhbət "Araz-Naxçıvan"ın şərəfini qoruyan Sezar Meza Kollidən gedir.
"Ağ qaralar" paraqvaylı legionerlə danışıqlara start verib.
Son anda nəsə baş verməsə, 33 yaşlı orta sahə oyunçusunun sabiq komandasına dönüşü an məsələsidir.
Transferin baş tutmasını baş məşqçi Samir Abasov şəxsən istəyib.
Bu da səbəbsiz deyil.
Meza Kolli 2021-23-cü illər məhz Samir Abasovun rəhbərliyi altında "Neftçi"də çıxış edib.
Təcrübəli mütəxəssis yaxından tanıdığı sabiq yetirməsini sərəncamında görməkdə maraqlıdır.
O, Bakı təmsilçisinin formasında meydana çıxdığı 55 görüşdə 6 dəfə fərqlənə bilib.
XANOĞLAN / SPORTİNFO.AZ
