“Dünyanın ən mühüm toplantılarından sayılan Davos Forumu bu il rəngarəng fiqurların iştirakı ilə dünyanın diqqətini özünə çəkib”.
Bunu hafta.az-a açıqlamasında Türkiyənin Qafqaz Araşdırmaları Mərkəzinin rəhbəri Hasan Oktay bildirib.
H.Oqtay qeyd edib ki, Davosda diqqəti cəlb edən liderlər siyahısında Azərbaycan Prezidenti İlham Əliyevin mühüm yeri var.
“Cənab İlham Əliyev Zelenski, xüsusilə İsrail prezidenti, Xorvatiyanın baş naziri, Avropa İnkişaf Bankının prezidenti və bir çox digər görüşlərdə regionda sülhün mühüm lideri kimi önə çıxıb. İran-Rusiya müttəfiqliyi, Ermənistan-Amerika razılaşmaları regionda Azərbaycana qarşı ittifaq kimi görünsə də, Azərbaycan Davos danışıqlarında fərqliliyini göstərdi”.
H.Oqtay Azərbaycan Prezidenti İlham Əliyevin hər görüşdə sülhün bərqərar olması baxımından son dərəcə mühüm mesajlar verdiyini vurğulayıb.
