Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 20-ci turuna yekun vurulacaq.
Arena.az xəbər verir ki, sonuncu oyun günündə iki qarşılaşma baş tutacaq.
Günün ilk oyunu “Araz-Naxçıvan”la “Neftçi” arasında keçiriləcək. Mövsümə uğurlu start versə də, ardıcıl 3 oyundur uduzan Naxçıvan təmsilçisi uğursuz gedişata bu matçda son qoymağa çalışacaq. Amma “Neftçi” də iki turdur xal itirir və qələbə həsrətini bitirmək istəyir. Hazırda “Araz-Naxçıvan” 29 xalla ikinci, “Neftçi” isə 18 xalla yeddincidir.
Nəhayət, turun qapanış matçı lider “Qarabağ”la “Turan Tovuz” arasında baş tutacaq. Ağdam təmsilçisi Tovuz klubunu Tofiq Bəhramov adına Respublika stadionunda sınağa çəkəcək. Ardıcıl 4 oyundur qələbə qazanan çempion seriyasını davam etdirmək arzusundadır. “Turan Tovuz” da uğursuz gedişata son qoymağa çalışacaq. Kurban Berdıyevin komandası son üç oyunda iki heç-heçə və bir məğlubiyyət görüb. Hazırda zirvədəki “Qarabağ”ın 50 xalı varsa, Tovuz təmsilçisi 32 xalla 4-cü sırada yer alıb.
Premyer Liqa
20-ci tur
24 yanvar
“Şamaxı” – “Zirə” 1:2
Qollar: Brahim Konate, 38 – Ruan Renato, 45+2. Salifu Suma, 49.
Hakimlər: İnqilab Məmmədov, Namiq Hüseynov, Rahil Ramazanov, Əkbər Əhmədov.
VAR: Rauf Allahverdiyev.
AVAR: Vüsal Məmmədov.
Hakim-inspektor: Munis Abdullayev.
Şamaxı şəhər stadionu, 14:00.
25 yanvar
“Səbail” – “Kəpəz” 1:0
Qol: Madi Keta, 11.
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.
VAR: Tural Qurbanov.
AVAR: Elşad Abdullayev.
Hakim-inspektor: Rəhim Həsənov.
“Bayıl Arena”, 16:00.
“Sabah” – “Sumqayıt” 0:0
Hakimlər: Elçin Məsiyev, Pərvin Talıbov, Rəhman İmami, Rəşad Əhmədov.
VAR: Nicat İsmayıllı.
AVAR: Asiman Əzizli.
Hakim-inspektor: Orxan Məmmədov.
“Masazır Arena”, 18:30.
26 yanvar
“Araz-Naxçıvan” – “Neftçi”
Hakimlər: Rauf Cabbarov, Zöhrab Abbasov, Teymur Teymurov, Elvin Bayramov.
VAR: İnqilab Məmmədov.
AVAR: Namiq Hüseynov.
Hakim-inspektor: İmanxan Sultani.
“Dalğa Arena”, 16:00.
“Qarabağ” – “Turan Tovuz”
Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov.
VAR: Əliyar Ağayev.
AVAR: Zeynal Zeynalov.
Hakim-inspektor: Ceyhun Haşımov.
Bakı. Tofiq Bəhramov adına Respublika Stadionu, 18:30.
