Cəbrayıl 1 saylı Mediasiya Təşkilatı tərəfindən Cəbrayıl Peşə Məktəbində mediasiya sahəsində maarifləndirmə məqsədilə tədbir təşkil olunub. Tədbirdə təşkilatın rəhbəri Tahir Balakişiyev çıxış edərək ölkədə mediasiya institutunun əhəmiyyətini vurğulayıb.
QHT.az xəbər verir ki, o, mediasiya islahatları, bu sahədə atılan addımlar və mediasiyanın mübahisələrin alternativ həll yolu kimi üstünlüklərindən bəhs edib. Balakişiyev, mediasiyanın sülh yolu ilə anlaşma və barışıq mədəniyyətinin təşviqində mühüm rol oynadığını xüsusi qeyd edib. Tədbir iştirakçıları üçün mediasiya prosesinin hüquqi və praktiki tərəfləri ilə bağlı ətraflı məlumatlar təqdim olunub.
Maarifləndirmə tədbiri mediasiya sahəsində biliklərin artırılması və bu institutun daha geniş tətbiqinin təşviqi məqsədi daşıyır.
