Fransanın “Lion” klubu baş məşqçi Pyer Sajla yollarını ayırıb.
“Qafqazinfo” xəbər verir ki, bu barədə “Lequipe” nəşri məlumat yayıb.
Bildirilib ki, bu qərara səbəb komandanın son matçlardakı nəticələridir.
Klub rəhbərliyi artıq yeni baş məşqçi axtarışlarına başlayıb. Mətbuatda yayılan məlumata görə, bu vəzifəyə əsas namizədlərdən biri əvvəllər “Milan”a rəhbərlik etmiş portuqaliyalı mütəxəssis Paulo Fonsekadır.
Qeyd edək ki, Pyer Saj 2023-cü ildən bəri “Lion”a rəhbərlik edirdi.
