Qapıçı Keylor Navas “İnter Mayami”nin argentinalı hücumçusu Lionel Messi ilə “Nyuells Old Boys”a keçməzdən əvvəl danışdığını açıqlayıb.
Sportinfo.az xarici KİV-ə istinadən xəbər verir ki, o, eyni zamanda, Argentina klubunda necə qarşılandığını deyib:
“Mən bu klubu, onun tarixini və burada oynayan əfsanələri bilirdim. Bura gəlməmişdən əvvəl Messi ilə danışdım və o, yalnız müsbət şeylər söylədi.
Komandanın məni qarşılaması inanılmaz idi. Bu, hətta məni ürkütdü. Mən bu atmosfer haqqında eşitmişəm, lakin onu şəxsən yaşamaq tamam başqadır”.
38 yaşlı qolkiperin “Nyuells Old Boys”la müqaviləsi 2026-cı ilin yayına kimi nəzərdə tutulub.
Messi 1994-2000-ci illərdə “Nyuells Old Boys”da gənclər səviyyəsində çıxış edib.
