Cənubi Koreyanın “Air Busan” aviasiya şirkətinin Pusan şəhərindəki beynəlxalq hava limanında yanan təyyarənin 169 sərnişini və 7 heyət üzvü təhlükəsiz təxliyə edilib.
Modern.az xəbər verir ki, Pusandan Honkonqa uçmalı olan təyyarənin quyruğu alovlanıb. Dərhal hadisə yerinə yanğınsöndürənlər gəlib. Təxliyə zamanı 3 nəfər yüngül xəsarət alıb. Yanğın bütün təyyarəyə yayılsa da, nəzarət altına alınıb.
***
18:46
Cənubi Koreyanın Pusan şəhərinin hava limanında təyyarə yanıb.
Modern.az xəbər verir ki, bu barədə “Yonhap” agentliyi hava limanının yanğından mühafizə departamentinə istinadla məlumat yayıb.
Hadisənin detalları açıqlanmayıb.
Qeyd edək ki, bir ay əvvəl - dekabrın 29-da “Jeju Air” aviaşirkətinin Bankonq-Muan reysini yerinə yetirən sərnişin təyyarəsinin Muan şəhərinin beynəlxalq hava limanına qəza enişi etdiyi zaman uçuş zolağından çıxaraq beton hasara çırpılmış, nəticədə təyyarə yanaraq 175 sərnişinin hamısı, habelə 6 ekipaj üzvündən 4-ü həyatını itirmişdi.
