1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"WhatsApp" süni intellekt dünyasına qapı açacaq böyük yenilənməyə hazırlaşır. Belə ki, tərtibatçılar süni intellekt əsaslı çat-botlara həsr olunmuş ayrı bir qoşma əlavə edəcəklər. Yenilik tətbiqin 2.25.3.2 versiyasında görünəcək.
Oxu.Az-ın verdiyi məlumata görə, bu barədə "WABetaInfo" portalı xəbər yayıb.
Bildirilib ki, yeni funksiya "İcmalar" qoşmasını əvəz etmək və istifadəçilərə mesajlaşma interfeysi daxilində müxtəlif süni intellekt xidmətlərinə çıxışı təmin etmək üçün nəzərdə tutulub.
Yenilənmə hazır süni intellekt botlarına çıxışla yanaşı, istifadəçilərə öz virtual köməkçilərini yaratmaq imkanı da verəcək.
Hazırda funksiya erkən mərhələdədir.
"WhatsApp"a inteqrasiya ediləcək süni intellekt xidmətlərinin konkret siyahısı hələ açıqlanmayıb.
