Xarici İşlər Naziri Ceyhun Bayramov Ankarada Azərbaycan, Türkiyə və Özbəkistanın Xarici İşlər, Ticarət/İqtisadiyyat və Nəqliyyat nazirlərinin 2-ci Üçtərəfli Görüşündə çıxış edib.
Moderator.az xəbər verir ki, nazir iki ölkə arasında üçtərəfli əməkdaşlığın çoxşaxəli xarakterini vurğulayaraq, təhlükəsizlik, iqtisadi inkişaf, ticarət, investisiya, infrastruktur və nəqliyyat-kommunikasiya kimi tərəfdaşlığın əsas istiqamətlərindən danışıb.
Nazir Bayramov həmçinin, xüsusilə Asiyanı Avropa ilə birləşdirən mühüm ticarət və nəqliyyat marşrutu olan Orta Dəhlizin inkişafı vasitəsilə əməkdaşlığın daha da inkişaf etdirilməsi üçün əlavə imkanları qeyd edib.
12:43
Azərbaycan, Türkiyə və Özbəkistan xarici işlər, ticarət/iqtisadiyyat və nəqliyyat nazirlərinin 2-ci üçtərəfli görüşü başlayıb.
Moderator.az xəbər verir ki, bu barədə Türkiyə XİN məlumat yayıb.
Görüşdə Türkiyə xarici işlər naziri Hakan Fidan açılış nitqi ilə çıxış edib.
Qeyd edək ki, iclasda hər üç ölkənin xarici işlər, ticarət, iqtisadiyyat və nəqliyyat nazirləri iştirak edirlər.
