"Liqa mərhələsində son oyunumuzdur. Çox ciddi rəqibə qarşı mübarizə aparacağıq".
İdman.biz xəbər verir ki, bunu UEFA Avropa Liqasının Liqa mərhələsinin VIII turu çərçivəsində keçiriləcək “Olimpiakos” (Yunanıstan) - “Qarabağ” matçından öncə keçirilən mətbuat konfransında Qurban Qurbanov deyib.
Təcrübəli mütəxəssis mərhələnin son oyununda yaxşı oyun nümayiş etdirib, uğurlu nəticə qazanmaq arzusunda olduqlarını bildirib: "Şübhə etmirəm ki, “Olimpiakos” bu mövsüm də Avropa Liqasının qalibi olmağa iddialıdır. Bu komanda ötən mövsüm Konfrans Liqasını qazanmışdı. Hədəfləri böyük olan kluba qarşı çıxış edəcəyik. Son matçımızda yaxşı oyun sərgiləmək və uğurlu nəticə əldə etmək istəyirik. “Uzun müddət eyni komandada çalışmaq asan deyil. Futbol kollektiv oyundur və işin gedişatında daim dəyişikliklər olmalıdır. İllər boyu yeni futbolçular komandaya dəvət edir və uğurun davamı üçün çalışırsan. Bəxtim onda gətirib ki, yaxşı rəhbərliklə birgə işləyirəm. Çox yaxşı rəhbərliyimiz, idarəçilərimiz var. İddialı kollektiv formalaşdırmaqda həmişə yanımda olublar. Uğurlu nəticə qazanmağımız üçün maksimum çalışıblar. Futbolda bir məşqçinin uzun müddət eyni komandada işlədiyi hallar olub. Biz də bu iddianı qoruyub saxlamağa çalışmışıq”.
İdman.biz
