Moskvanın şimal-qərbində inzibati binada baş verən yanğının sahəsi 2 min kvadratmetrə çatıb.
Ucnoqta.az xəbər verir ki, Rusiya Fövqəladə Hallar Nazirliyinin məlumatına görə, 300 nəfər təxliyə edilib.
"Yanğın sahəsi 2000 kvadratmetrdir. 60 nəfər xilas edilib. Yanğınsöndürmə və xilasedicilər gələnə qədər binadan 300 nəfər təxliyə edilib", - məlumatda deyilir.
Qeyd olunub ki, yanğının söndürülməsinə 130-dan çox yanğınsöndürən və 40 texnika cəlb olunub.
İlkin məlumata görə, yanğın Sxodnenski Tupik küçəsində 1500 kvadratmetr sahədə ikimərtəbəli binada başlayıb. Damın qismən çökməsi baş verib.
