Goranboyda maşın aşdı, 6 nəfər xəsarət aldı

Goranboyda xəsarətlə nəticələnən yol-nəqliyyat hadisəsi baş verib.

Bizim.Media-nın yerli bürosunun məlumatına görə , Goran-Naftalan avtomobil yolunun Goranboy rayonu Balakürd kəndi ərazisindən keçən hissəsində Naftalan şəhər sakini 1984-cü il təvəllüdlü Bəhruz Muradovun idarə etdiyi "Mercedes" markalı avtomobil aşıb.

Sürücü və avtomobildə olan sərnişinlər, Naftalan şəhər sakinləri 1964-cü il təvəllüdlü İradə Bədəlova , 1964-cü il təvəllüdlü Məleykə Muradova, 2009-cu il təvəllüdlü Fatimə İbrahimli və 1982-ci il təvəllüdlü Şaiq İbrahimov müxtəlif dərəcəli bədən xəsarətləri alaraq Goranboy rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

Məqsəd Rəhimov, Bizim.Media, Qərb Bürosu