"Ayntraxt"ın hücumçusu Omar Marmuşun "Mançester Siti"yə transferi yekunlaşmaq üzrədir.
Sportal.az xəbər verir ki, artıq klublar arasında anlaşma əldə olunub. Bu barədə "Sky Sports" televiziyası məlumat yayıb.
"Mançester Siti" misirli forvard üçün Almaniya klubuna 75+5 milyon avro təzminat ödəyəcək. Rəsmi açıqlamanın qısa müddət ərzində ediləcəyi bildirilir.
Qeyd edək ki, "Ayntraxt" Omar Marmuşu 2023-cü ilin yayında "Volfsburq"dan transfer edib. 25 yaşlı futbolçu bu mövsüm Frankfurt təmsilçisinin heyətində meydana çıxdığı 26 rəsmi matçda 20 qol vurub, 14 assist edib.
saytlarin hazirlanmasi
