Türkiyə ordusu Suriyanın şimalında 17 YPG (PKK-nın Suriya qanadı) terrorçusunu zərərsizləşdirib. Şimali İraqda daha 4 PKK yaraqlısı öldürülüb.
Bu barədə Türkiyənin Milli Müdafiə Nazirliyindən məlumat verilib.
Bildirib ki, terrorçulara zərbələr Suriyada “Sülh baharı” antiterror əməliyyatı zonasında, eləcə də Qara bölgəsində və İraqın şimalında Pençe-Kilit əməliyyatı zonasında endirilib.
“Terrorçularla mübarizə hava şəraitindən və relyefdən asılı olmayaraq gecə-gündüz davam edir”, - məlumatda vurğulanıb.
Mənbə: unikal.az
