"SpaceX" və "Tesla" şirkətlərinin qurucusu İlon Mask öz bloqunun abunəçiləri ilə ifrat sağçı “Almaniya üçün Alternativ” partiyasından Almaniya kansleri postuna namizəd Elis Veydelin şüarını paylaşıb. Müvafiq yazı amerikalı milyarderin X sosial şəbəkəsindəki səhifəsində yer alıb.Veydelin kampaniya şüarı ABŞ-ın yeni seçilmiş prezidenti Donald Trampın “Amerikanı yenidən möhtəşəm et” şüarının karbon surəti olan “Avropanı yenidən möhtəşəm et”dir.Bundan əvvəl İlon Mask və “Almaniya üçün Alternativ” partiyasının həmsədri Elis Veydel siyasi baxışlarındakı oxşarlıqlara görə diqqət mərkəzində olublar. Belə ki, Mask və Veydel solçu gündəmin Almaniyada təhsilə mənfi təsir göstərdiyi və onlayn nitqlə bağlı məhdudiyyətlərin Adolf Hitlerin media senzurasına bənzədiyi barədə eyni fikirdədilər.Maskın fikrincə Almaniyanı xilas edə biləcək güc "Almaniya üçün Alternativ" partiyasıdır. Ölkənin ənənəvi siyasi partiyaları iş adamının dediyi kimi, öz xalqını aşağılayıb.
