Almaniya səlahiyyətliləri Avropa İttifaqına (Aİ) hibrid təhdidlər səbəbindən rus diplomatlarının regional birliyin üzvü olan ölkələrə girişini məhdudlaşdırmağı təklif edib.
Hit.az xəbər verir ki, bu barədə “Politico” qəzeti Almaniya Xarici İşlər Nazirliyinin müvafiq sənədinə istinadən yazır.
Jurnalistlərin fikrincə, Berlin akkreditasiya müddətini azaltmaq və Rusiya diplomatik pasportlarının sahiblərinin hərəkət azadlığını məhdudlaşdırmaq istəyir. Almaniya rəhbərliyi Rusiya Federasiyasından enerji ehtiyatlarının daşınmasında iştirak etdiyini düşündüyü gəmilərə qarşı da sanksiyalar tətbiq etmək niyyətindədir.
Bundan əlavə, Almaniya Xarici İşlər Nazirliyi özəl şirkətlərlə əməkdaşlığın artırılmasının tərəfdarı olub. Bu, kritik infrastruktur üçün stress testləri keçirərkən qarşılıqlı əlaqə haqqındadır.
"Berlin ümid edir ki, Aİ bəzi insidentlərdə Moskvanın günahkar olduğunu aydınlaşdırmaq üçün daha fəal kommunikasiya strategiyası hazırlaya bilər", - məqalədə deyilir.
Eyni zamanda, rus diplomatlarından gəldiyi iddia edilən “hibrid təhdidlərdən” birinə misal olaraq jurnalistlər Baltik dənizində kabellərin zədələnməsini göstəriblər.
Samir
