Birinci Liqada 2024/2025 mövsümünün qalan hissəsinə hazırlığı davam etdirən “Qəbələ” qış toplanışı çərçivəsində ilk yoxlama oyununu keçirib.
Arena.az xəbər verir ki, “qırmızı-qaralar” “Mingəçevir”lə üz-üzə gəlib.
Qarşılaşma Qəbələ şəhər stadionunda baş tutub. Kaxaber Sxadadzenin yetirmələrinin üstünlüyü ilə keçən matçın ilk yarısında iki qol vurulub. Saheed Akorede və Murad Musayev rəqib qapısına yol tapıblar.
Fasilədən sonra meydan sahibləri daha iki dəfə fərqləniblər. Hər iki qolu Domi Massoumo vurub.
Beləliklə, “qırmızı-qaralar” yoxlama oyununda böyükhesablı qələbə qazanıblar – 4:0.
Sxadadzenin çalışdırdığı komanda ikinci yoxlama oyununu yanvarın 23-də keçirəcək. “Qırmızı-qaralar” “Qaradağ Lökbatan”la görüşəcək. Qarşılaşma Binə qəsəbə stadionunda baş tutacaq. Oyuna saat 13:30-da start veriləcək.
