“Qəbələ” növbəti oyununu keçirib.
İdman.biz xəbər verir ki, I Liqanın lideri mövsümün ikinci hissəsinə hazırlıq çərçivəsində “Qaradağ Lökbatan”la üz-üzə gəlib.
Bu, Kaxaber Tsxadadzenin qış fasiləsində ikinci matçı olub. Qarşılaşma Binə qəsəbə stadionunda baş tutub.
Hər hissədə bir qol vuran “qırmızı-qaralar” 2:0 hesablı qələbə qazanıb. İlk yarıda Elşad Tağıyev hesabı açıb. Fasilədən sonra Domi Massoumou fərqi artırıb – 2:0.
Qeyd edək ki, hazırlığa yanvarın 9-da start verən “Qəbələ” ilk yoxlama oyununda “Mingəçevir”ə 4:0 hesabı ilə qalib gəlib.
İdman.biz
