Türkiyə Xarici İşlər Nazirliyi axtarışda olan iki şəxsin bu ölkəyə təhvil verilməsinə cavab verib.
Musavat.com erməni mediasına istinadən bildirir. Ankara Ermənistanın əməkdaşlığını yüksək qiymətləndirib, Türkiyə Xarici İşlər Nazirliyi xəbər verir.
Yanvarın 19-da Ermənistan İnterpolun sorğusuna cavab olaraq mütəşəkkil cinayətdə ittiham olunan iki şəxsi Türkiyəyə ekstradisiya edib.
Türkiyə Daxili İşlər Nazirliyi də öz növbəsində qeyd edib ki, ekstradisiya edilən şəxslərdən biri Erkan Yılmaz cinayət təşkilatına rəhbərlik edib, digəri isə İbrahim Kaymak bu qruplaşmanın üzvü olub. Türkiyə departamenti Ermənistan ədliyyə nazirinin müavini Tiqran Daduntsa Ordu vilayətinin polis idarəsi ilə əməkdaşlığa görə təşəkkür edib. Türkiyə mətbuatı xəbər verir ki, Yılmaz Türkiyədə 43 həbs qərarı ilə 15 il axtarışda olub, son 14 ildə isə beynəlxalq axtarışda olub. Onun Barış Boyunun cinayətkar qruplaşması ilə əlaqəsi var. İbrahim Kaymak 6 ildir ki, 10 order əsasında milli orqanlar tərəfindən axtarışda olub və bir il əvvəl İnterpolun məlumat bazasına əlavə edilib.
Ermənistan İnterpolun Qırmızı Bildirişlə təqdim etdiyi sorğuya cavab olaraq onları Türkiyəyə təhvil verib.
