Türkiyənin Hələbdəki baş konsulluğu 13 illik aradan sonra fəaliyyətini bərpa edib.
Day.Az xəbər verir ki, bu barədə türk KİV-ləri məlumat yayıb.
Məlumata görə, baş konsulluq tədricən əməkdaşlarının sayını artıracaq və əhaliyə xidmətlər göstərməyə başlayacaq. Türkiyənin Suriyadakı müvəqqəti işlər vəkili Bürhan Keroğlu "Bəs" partiyasının hakimiyyətdən getməsindən sonra Ankaranın Suriyanın inkişafına dəstək olacağını bildirib.
"Biz uzun illər ərzində qəbul etdiyimiz suriyalı qardaşlarımızın sağ-salamat evlərinə qayıtması üçün əlimizdən gələni edəcəyik. Türkiyə və Suriya arasındakı münasibətlər inkişaf edəcək və biz Suriyanın dünyaya çıxışı prosesinə dəstək olacağıq", - deyə o bildirib.
Xatırladaq ki, Türkiyənin Dəməşqdəki səfirliyi isə dekabrın 14-də fəaliyyətə başlayıb.
