AZ
Mövzular
İqtisadiyyat
22.01.2025 ◦ 15:51

Sədr: "Azərbaycanda ekoloji təmiz nəqliyyat vasitələrinin sayının artması vacibdir"

"Azərbaycana ekoloji təmiz olan avtobuslar COP29 ərəfəsində gətirildi. Avtobuslar daha sonra marşrut xəttinə buraxıldı. Avtobusların və elektriklə işləyən nəqliyyat vasitələrinin avtomobil parkında sayının artması önəmli göstəricidir. Azərbaycanda mövcud olan 1 milyondan çox nəqliyyat vasitəsinin təxminən 850.000-dən çoxu Bakı və Abşeron yarımadasında hərəkət edir".

Bu sözləri Demokrat.az-a açıqlamasında Ekologiya və Təbii Sərvətlər Nazirliyi yanında İctimai Şuranın sədri, ekoloq Amin Məmmədov deyib. 

O bildirib ki, gündəlik bu qədər  nəqliyyat vasitəsinin hərəkətdə olması atmosferin çirklənməsinə səbəb olur, havanın keyfiyyətini azaldır:

"Yanacaqlı avtobusların ekoloji təmiz avtobuslarla əvəz edilməsi şəhərdə havanın keyfiyyətini nisbətən yaxşılaşmasına kömək edəcək. 

Eyni zamanda gömrük xidmətlərində hibrid və tam elektrik avtomobillərin rüsumlarına güzəştlər tətbiq edilir. Bütün bunlar avtomobil almaq istəyənləri motivasiya etmək üçündür. Hökumətin də əsasən siyasəti bununla əlaqədardır. Azərbaycan gələcəkdə enerji təchizatında bərpa olunan enerjiyə keçid etmək istəyir. Bu siyasət eyni zamanda nəqliyyat sahəsinə də öz təsirini göstərir, ekoloji təmiz nəqliyyat vasitələrinin istifadəsi stimullaşdırırlır".


Əfsanə Kamal
Demokrat.az
Seçilən
26
50
demokrat.az

10Mənbələr