Ermənistanın baş naziri Nikol Paşinyan Azərbaycanda erməni hərbi əsirlərin və qondar “Dağlıq Qarabağ Respublikası”nın keçmiş hərbi-siyasi liderlərinin saxlanması məsələsini hakimiyyətin diplomatik gündəmində “prioritet” adlandırıb.
Lakin onun sözlərinə görə, İrəvan bu məsələyə “zərər verməmək” prinsipini nəzərə alaraq yanaşır:
“Eşitdiyimiz məlumatlar və gördüyümüz görüntülər, şübhəsiz ki, narahatlıq doğurur. Amma deməliyəm ki, biz bu vəziyyətə ilk növbədə məntiqlə yanaşır və zərər verməmək mövqeyindən çıxış edirik. Və bu məsələ bizim diplomatik gündəliyimizdə prioritet məsələdir. Nəticə əldə etmək üçün bu istiqamətdə səylərimizi davam etdirəcəyik”.
Nikol Paşinyan Ermənistan parlamentinin deputatının “hakimiyyət erməni məhbusların qaytarılması üçün nə edib” sualını cavablandırarkən, “Bir daha deyirəm, burada bizim vəzifəmiz ilk növbədə zərər verməməkdir”.
//Samir Qurbanov, Editor.az
