“Sabah” klubundan “Neftçi”yə transfer olunan Elvin Camalovun aylıq maaşı məlum olub.
News24.az-nun əldə etdiyi məlumata görə, Camalov ayda 25 min manat maaş alacaq.
Qeyd edək ki, 4 nömrəli formanı geyinəcək 29 yaşlı dayaq yarımmüdafiəçisi ilə 1,5 + 1 il şərti ilə müqavilə bağlanıb.
“Qəbələ”nin yetirməsi olan Camalov “Zirə” və “Sabah” klublarında da çıxış edib. Sonuncu klubu “Sabah”ın kapitanı olmuş təcrübəli futbolçu 2018/19 mövsümündə “Qəbələ” ilə Azərbaycan Kubokunu başı üzərinə qaldırıb. O, milli komandamızın heyətində 20 oyunda meydanda olub.
Ağa Dadaşzadə
