Bu gün kişi voleybolçular arasında təşkil olunmuş Azərbaycan çempionatında (Yüksək Liqa) 7-ci tura yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Azərreyl” çempionatın lideri “Murov”la görüşüb. Gənclər və İdman Nazirliyinin Voleybol Mərkəzində baş tutan qarşılaşma qonaq komandanın üstünlüyü ilə keçib. Lider hər 3 setdə rəqibindən güclü olub.
Xatırladaq ki, turun ilk günündə “Gənclər” MOİK-ə 2:3 (25:22, 19:25, 25:20, 20:25, 9:15) hesabı ilə uduzmuşdu. “Xilasedici” isə “Neftçi”ni üç setdə məğlub edib – 3:0 (25:16, 25:23, 25:12).
Yüksək Liqa
7-ci tur
23 yanvar
“Azərreyl” – “Murov” 0:3 (22:25, 20:25, 25:27)
Gənclər və İdman Nazirliyinin Voleybol Mərkəzi.
Xallar: Murov – 21. Xilasedici – 18. Azərreyl – 13. Neftçi – 8. MOİK – 2. Gənclər – 1.
