“Qərb Kiyevə vəd olunan silah-sursat təchizatını gecikdirir. Bizə silahların yalnız üç həftə sonra göndəriləcəyini deyirlər, amma üç ay sonra belə vəziyyət dəyişmir”.
APA-nın xəbərinə görə, bunu Ukraynanın Prezident Ofisinin rəhbərinin müşaviri Mixail Podolyak yerli “24-cü kanal”ın efirində deyib.
O bildirib ki, Qərbin səfərbərlik yaşını 18-dək endirilməsi yönündəki çağırışları öz günahını gizlətmək məqsədi daşıyır:
“Bizdə silah çatışmazlığı var. Sizcə, onlar niyə səfərbərlik yaşının 18-ə endirilməsini təklif edir? Gəlin açıq danışaq. Bu təklif silah təchizatının gecikdirilməsinə görə ümumi məsuliyyətin bir hissəsini üzərindən atmağa yönəlib”.
