Vasili Berezutskinin gəlişindən sonra ölkə kubokunda mərhələ adlayan “Sabah”ın çempionatdakı işləri pis getmir.
“Tələbələr” rusiyalı çalışdırıcının rəhbərliyi altında Premyer Liqada meydana çıxdığı 5 oyunun 2-sini qələbəylə başa vurub. 2 matç heç-heçə sonuçlanıbsa, 1-də məğlubiyyət qaçılmaz olub.
Ötən həftə “Neftçi”ylə bərabərə qalan Masazır təmsilçisinin növbəti rəqibi “Sumqayıt”dır.
“Sabah”ın hücumçusu Anatoli Nuriyev Sportinfo.az-a açıqlamasında qarşıdakı oyunla bağlı danışıb:
“Turnir cədvəlindəki vəziyyət elədir ki, qələbələrə ehtiyacımız var. Məqsədimiz avrokuboklara vəsiqə qazanmaqdır deyə, üst pillələrə qalxmalıyıq.
Bunun üçünsə “Sumqayıt”la qarşılaşmadan qələbə ilə ayrılmalıyıq. Son iki görüşdə itirilən 5 xaldan sonra 3 xal qazanmağa borcluyuq. H
ədəfə çatmaq üçün mümkün olan hər şey edəcəyik”.
Yanvarın 25-də “Bank Respublika Arena”da keçiriləcək qarşılaşma saat 18:30-da start götürəcək.
HƏBİB
