Misli Premyer Liqasının XX turunun ikinci günü autsayderlərin dueli ilə başlayacaq.
News24.az xəbər verir ki, “Səbail” və “Kəpəz” ölkə çempionatlarında 15-ci duelə çıxacaq.
İndiyədək baş tutan 14 oyunda üstünlük Bakı klubunun tərəfindədir. “Səbail” matçların yarısında – 7 dəfə qələbə qazanıb.
“Kəpəz” 4 dəfə qalib gəlib. Üç qarşılaşma heç-heçə bitib. Bakılılar 25, gəncəlilər 15 qol vurublar.
“Səbail” indiyədək evdə “Kəpəz”ə uduzmayıb. Son iki matçda meydan sahibi olan komanda quru hesabla qalib gəlib.
Qeyd edək ki, “ASCO Arena”da keçiriləcək matç saat 16:00-da başlayacaq.\\İdman.biz
