Məhkəmə, “Mançester Siti”nin ingilis keçmiş yarımmüdafiəçisi Coi Bartonu sərxoş halda ikən öz həyat yoldaşına hücumda təqsirli bilib.
Arena.az bu barədə BBC-yə istinadən məlumat verir.
İddiaya görə, 2021-ci ildə cütlüyün Londonun cənub-qərbindəki evinin yaxınlığında sərxoş Barton arvadının boğazından yapışaraq yerə yıxıb və qadının başına ayaqla zərbə vurub. Əvvəlcə, məhkəmənin araşdırması, qadının, cütlüyün mübahisəsi zəminində dostunun müdaxiləsi zamanı təsadüfən xəsarət aldığını bildirdiyi ifadəsindən sonra təxirə salınıb. Ancaq prokurorluq bu ifadədən şikayət ünvanlayıb, məhkəmə isə bu şikayəti təmin edib.
Nəticədə, Vestminster ali məhkəməsi Bartonun, mübahisə əsnasında arvadını yerə yıxıb başına ayaqla zərbə vurduğunu müəyyən edərək, təsdiqləyib. Mübahisə, məhkəmədə müəyyən edildiyi kimi, Bartonun öz həyat yoldaşını, qadının atasına və qardaşına qarşı dava ilə təhdid etməsi və buna müdaxilə etmiş dostunu isə itələməsi ilə baş verib. Məhkəmənin hökmünə rəğmən, Barton təqsirini inkar etməyə davam edir, məhkəmə isə davam edir.
Barton öz inkarını belə əsaslandırıb:
“Əgər mən kiminsə başına ayağımla zərbə vursaydım, bu, mənim işimdə qeyd ediləndən daha çox zərər yetirmiş olardı”, – “Goal” dərgisi Bartondan sitat gətirir.
Xatırladaq ki, Barton futbolçu karyerasını 2017-ci ildə bitirib və 2018-2023-cü illərdə məşqçilik fəaliyyəti ilə məşğul olub.
