Fransanın PSJ klubu yay "transfer pəncərəsi"ndə "Real"ın (İspaniya) 24 yaşlı futbolçusu Rodriqonu transfer edə bilər.
Demokratikmusavat.com xəbər verir ki, bu barədə jurnalist Abdella Bulma sosial şəbəkə səhifəsində məlumat paylaşıb.
Braziliyalı hücumçu 2019-cu ildə "Santos"dan Madrid klubuna transfer edilib. O, "Real"ın heyətində ümumilikdə 243 oyun keçirib, 65 qola və 47 məhsuldar ötürməyə imza atıb.
Qeyd edək ki, braziliyalı futbolçunun klubla hazırkı müqaviləsinin müddəti 2028-ci ilin yayına qədərdir. "Transfermarkt" portalı onun dəyərini 100 milyon avro qiymətləndirir.
