"Sumqayıt"ın baş məşqçisi Vaqif Cavadov Misli Premyer Liqasının 20-ci turunda səfərdə "Sabah"la 0:0 hesabı ilə bərabərə qaldığı oyunu şərh edib.
Offsideplus.az xəbər verir ki, o, matçdan sonra keçirilən mətbuat konfransında deyib:
"Mübarizəli oyun oldu. Komandama əzmkarlığa görə təşəkkür edirəm. Zədəli və xəstə oyunçularımız var. Komanda bu situasiyada belə bir rəqibə qarşı yaxşı futbol oynadı. Əlbəttə ki, qələbə qazanmaq istəyirdik. Amma 1 xala görə də futbolçulara alqış düşür. Növbəti oyunlarda da belə əzmkarlıq olsa, ancaq qələbəyə doğru gedəcəyik".
