Miqrantları daşıyan Amerika təyyarələrinin Kolumbiyaya girişi qadağan edilib.
Teleqraf.com xəbər verir ki, bu barədə Kolumbiya prezidenti Qustavo Petro X sosial şəbəkəsində yazıb.
“Birləşmiş Ştatlar kolumbiyalı miqrantlara cinayətkar kimi yanaşa bilməz”, - dövlət başçısı bildirib.
O, Vaşinqtonu deportasiya edilmiş vətəndaşlara layiqli rəftar üçün “protokol yaratmağa” çağırıb.
Prezident Donald Tramp andiçmə mərasimindən sonra ilk çıxışında qeyri-qanuni mühacirlərin ABŞ-yədaxil olmasını dayandıracağını və milyonlarla miqrantı deportasiya edəcəyini vəd edib. Siyasətçi Meksika ilə sərhəddə yaranmış vəziyyətə görə fövqəladə vəziyyət elan etməklə və oraya qoşun göndərməklə hədələyib.
Müəllif: Pərvin Cəfərova
