Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 20-ci turuna yekun vurulub.
Arena.az xəbər verir ki, turun qapanış matçı lider “Qarabağ”la “Turan Tovuz” arasında baş tutub.
Ağdam təmsilçisi Tovuz klubunu Tofiq Bəhramov adına Respublika stadionunda sınağa çəkib. Ardıcıl 4 oyundur qələbə qazanan çempion seriyasını davam etdirmək arzusundaydı. “Turan Tovuz” da uğursuz gedişata son qoymaq istəyindəydi. Çünki Kurban Berdıyevin komandası son üç oyunda iki heç-heçə və bir məğlubiyyət görmüşdü.
Bu görüşdə hesabı erkən qola sevinən Ağdam təmsilçisi açıb. “Qarabağ” bu üstünlüyünü son dəqiqələrdə əldən verib. Rəqibini son dəqiqə qolları ilə şoka salan “Turan Tovuz” əzmkar qələbəyə sevinib.
Bu nəticədən sonra “Qarabağ” 50 xalla zirvədə qərarlaşıb. “Turan Tovuz” isə 35 xalla dördüncüdür.
Premyer Liqa
20-ci tur
26 yanvar
“Qarabağ” – “Turan Tovuz” 1:2
Qollar: Musa Qurbanlı, 7 – Kauan Martins, 89. Otto Con, 90+5.
Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov.
VAR: Əliyar Ağayev.
AVAR: Zeynal Zeynalov.
Hakim-inspektor: Ceyhun Haşımov.
Bakı. Tofiq Bəhramov adına Respublika Stadionu, 18:30.
Qarabağ: 1. Şahrudin Məhəmmədəliyev (k), 24. Aleksey İsayev, 13. Bəhlul Mustafazadə, 27. Toral Bayramov, 22. Musa Qurbanlı, 29. Marko Veşoviç, 66. Patrik Andrade, 7. Yassin Benzya, 2. Mateus Silva, 21. Aleksey Kaşuk, 11. Emmanuel Addai.
Ehtiyat oyunçular: 97. Fabian Buntiç, 20. Riçard Almeyda, 55. Bədavi Hüseynov, 30. Abbas Hüseynov, 44. Elvin Cəfərquliyev, 90. Nəriman Axundzadə, 10. Abdullah Zubir, 81. Kevin Medina, 8. Marko Yankoviç, 6. Julio Romao, 19. Redon Cica, 15. Leandro Andrade.
Baş məşqçi: Qurban Qurbanov.
Turan Tovuz: 41. Sergey Samok, 17. Rəhim Sadıxov, 88. Faiq Hacıyev, 7. İsmayıl Zülfüqarlı, 77. Veysəl Rzayev, 9. Kristian da Silva (k), 23. Alexandro Serrano, 90. Joarlem Santos, 15. Emmanuel Hakman, 40. Kauan Martins, 21. Aleks Souza.
Ehtiyat oyunçular: 1. İvan Konovalov, 71. Mehman Hacıyev, 39. Sadiq Quliyev, 8. Tural Bayramlı, 11. Ayxan Hüseynov, 44. Rüfət Əhmədov, 99. Sadiq Şəfiyev, 30. Mircamal Əlizadə, 80. Otto Con, 29. Anton Kraçkovski.
Baş məşqçi: Kurban Berdiyev.
