1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Flamenqo" forması ilə debüt oyununa çıxan Olavio Juninyo performansı barədə danışıb.
Oxu.Az xəbər verir ki, komandada ilk rəsmi matçına çıxan 28 yaşlı hücumçu debütü ilə bağlı fikirlərini bölüşüb.
"Səhv etmirəmsə, cəmi dörd məşqdə iştirak etmişəm. Komanda yoldaşlarıma yavaş-yavaş uyğunlaşıram. Kollektivdə çox keyfiyyətli futbolçular var. Yalnız onu deyə bilərəm ki, arzularımdan birini gerçəkləşdirmişəm".
Qeyd edək ki, Juninyo "Carioca - Taca Guanabara" turnirində "Volta Redonda" ilə matçda meydana çıxıb. Forvard 60-cı dəqiqədə Bruno Enrikenin yerinə meydana daxil olub. Qarşılaşma "Flamenqo"nun 2:0 hesablı qələbəsi ilə bitib.
Xatırladaq ki, Juninyo 2023-cü ildən "köhlən atlar"ın formasını geyinib. Azərbaycan çempionatının və kubokunun qalibi olan forvard Ağdam klubunda 80 oyun keçirib, 42 qol və 4 məhsuldar ötürmə ilə yadda qalıb.
