Abşeron dairəvi marşrutu üzrə vağzal və stansiyalarda təmassız ödənişlər "ADY Mobile" tətbiqi, ADY kartları və ya NFC-ni dəstəkləyən bank kartları ilə həyata keçirilir.
Bu barədə Day.Az-ə "Azərbaycan Dəmir Yolları" QSC-nin mətbuat xidmətindən bildirilib.
NFC ödənişləri üzrə illik göstəricilər aşağıdakılardır:
2021-ci il: aylıq orta istifadə sayı - 6 000
2022-ci il: aylıq orta istifadə sayı - 49 726
2023-cü il: aylıq orta istifadə sayı - 110 670
2024-cü il: aylıq orta istifadə sayı - 210 060
Qeyd edilir ki, 2023-cü illə müqayisədə NFC ödənişlərinin sayında 85% artım müşahidə olunub.
Həmçinin ADY 2024-cü ildə bu marşrut xətti üzrə loyallıq proqramını tətbiq edərək sərnişinlərə yeni imkanlar yaradıb. Artıq "ADY Mobile" tətbiqinin yüklənmə sayı 180 mini ötüb.
