“Kalyu”da çıxış edən Gilerme Smitin “Qarabağ“ın maraq dairəsində olmasına dair xəbərlər yayılıb.
Sosial şəbəkələrdə Azərbaycan çemponunun braziliyalı hücumçu ilə danışıqlar aparması iddia olunur.
21 yaşlı forvardın Estoniya klubu ilə müqaviləsi 2026-ci ilin dekabrına qədər qüvvədədir.
“Köhlən atlar“ın ötən il bu ölkədə 15 matça çıxan və 7 qol vuran “sambaçı“ya 3 illik müqavilə təklif etdiyi bildirilir.
Lakin “Qarabağ“dan bu informasiyanı təsdiq etməyiblər. Verilən məlumatda qeyd olunub ki, cənubi amerikalı legioner transfer siyahısında yer almır, indiyədək onun özü və klubu ilə heç bir təmas qurulmayıb.
Smit Estoniyaya gələnə qədər Portuqaliyada “Braqa”, Brazilyada “Botafoqo”nun, həmçinin Ukraynada “Zarya”nın gənclərdən ibarət komandasında forma geyinib.
SPORTİNFO.AZ
