Xəbər verdiyimiz kimi, bu gün ölkə üzrə bələdiyyə seçkiləri keçirilir.
Yenicag.az komandası olaraq biz də bir neçə seçki dairəsində olaraq prosesi müşahidə etdik.
16 saylı Yasamal II seçki dairəsinin 7 saylı məntəqəsinin sədri Rəna Hüseynova saat 11-ə olan nəticələri bölüşərək, seçki prosesinin qənaətbəxş şəkildə davam etdiyini bildirib.
Eyni dairənin 8 saylı məntəqəsinin sədri Əsmər Eyvazova isə saat 12 üçün vəziyyəti dəyərləndirərək əvvəlki seçkilərlə müqayisədə seçici fəallığının nisbətən aşağı olduğunu, lakin ümumi prosesin normal keçdiyini vurğulayıb.
15 saylı Yasamal seçki dairəsinin 9 saylı məntəqəsinin sədri Aytəkin Rüstəmova da seçki prosesinin aktiv şəkildə davam etdiyini qeyd edib. Eyni dairənin 8 saylı məntəqəsinin sədri Solmaz Hacıyeva isə ümumilikdə prosesin yaxşı keçdiyini söyləyib.
Seçki məntəqələrindən görüntüləri təqdim edirik:
Nəsimi Ələsgərli
Məsimə Məmmədova
Samir Məcidov
