HAMAS daha 2 girovu Beynəlxalq Qırmızı Xaç Cəmiyyətinə təhvil verib.
APA xəbər verir ki bu barədə İsrail mediası bildirib.
Məlumata görə, onların azadlığa buraxılması müqabilində İsrail 110 fələstinli məhbusu həbsdən azad edəcək. Beş Tailand vətəndaşının da bu gün azad edilə biləcəyi bildirilir.
HAMAS və İsrail arasında üçüncü girov mübadiləsi Qəzzada öldürülmüş HAMAS lideri Yəhya Sinvarın evinin qarşısında keçirilir.
2023-cü il oktyabrın 7-də HAMAS Qəzza zolağından İsrail ərazisinə keçib, sərhəd yaşayış məntəqələrinin sakinləri öldürülüb, 250-yə yaxın adam girov götürülüb.
Qəzza zolağında atəşkəs yanvarın 19-dan qüvvəyə minib. Həmin gün HAMAS üç israilli qadının da olduğu ilk girovu azad edib. İsrail buna cavab olaraq 90 fələstinli məhbusu həbsdən azad edib. Yanvarın 25-də HAMAS 4 girovu Qəzza zolağından azad edib. İsrail də öz növbəsində 200 fələstinlini həbsdən azad edib.
12:33
HAMAS bir israilli girovu Qəzzada İsrail Müdafiə Qüvvələrinə təhvil verib.
APA xəbər verir ki, bu barədə İsrail Müdafiə Qüvvələri məlumat yayıb.
Bildirilib ki, İsrail ərazisinə qayıtdıqdan sonra onlar ilkin tibbi müayinədən keçəcəklər.
