“Tofiq Bəhramov Azərbaycan futbolunun ən tanınmış simasıdır”.
İdman.biz xəbər verir ki, bunu Azərbaycanın əfsanəvi futbol hakimi Tofiq Bəhramovun 100 illiyi münasibətilə keçirilən yubiley matçından öncə jurnalistlərə açıqlamasında veteran futbolçu Mahmud Qurbanov deyib.
O bildirib ki, belə bir görüşdə oynamaq şərəfdir: "Dünən Tofiq Bəhramovun yüzilliyi münasibətilə gözəl bir tədbir keçirildi. Veteranlar, onun ailə üzvləri, futbol adamları xatirələrini bölüşdülər, maraqlı görüş oldu. Biz də qərara gəldik ki, həmkarlarla, jurnalistlərlə belə bir yoldaşlıq görüşü keçirək. Bu oyunda iştirakım mənim üçün şərəfdir".
Qeyd edək ki, qarşılaşma Bəhramovun adını daşıyan Respublika stadionunda keçirilir.
Aytac Sahəd
İdman.biz
