Məşqçilər, fiqurlu konkisürmə üzrə dünya çempionları Yevgeniya Şişkova və Vadim Naumov Vaşinqtonda baş verən təyyarə qəzası nəticəsində həlak olub.
Publika.az xəbər verir ki, onların ölümünü Boston fiqurlu konkisürmə klubunun icraçı direktoru Duq Zeqib təsdiqləyib.
“İdmanımız və klubumuz bu faciədə böyük itki verdi. Əldə etdiyimiz məlumata görə, təyyarədə olan idmançılar, məşqçilər və valideynlər arasında Boston Fiqurlu Konkisürmə Klubunun altı üzvü də olub. Biz darıxmışıq, sadəcə olaraq sözümüz yoxdur”, - o deyib.
Zeqib həmçinin qeyd edib ki, Kanzas ştatının Viçita şəhərindən idman düşərgəsindən qayıdan ümumilikdə 14 fiqurlu konkisürən təyyarə qəzasında həlak olub.
