“Əl İttihad” “Barselona”nın gənc yarımmüdafiəçisi Unay Hernandez ilə müqavilə imzaladığını açıqlayıb.
Futbolpress.az xəbər verir ki, Səudiyyə Ərəbistanı təmsilçisinin bu transfer üçün 4,5 milyon avro qonorar ödədiyi bildirilir. Həmçinin “katalanlar” müqaviləyə bir satış bəndi əlavə edib. Bu da Səudiyyə klubunun yaxın gələcəkdə Hernandezi satmaqdan aldığı haqqın bir faizini alacaqları deməkdir.
20 yaşlı ispaniyalı oyunçu heç vaxt “Barselona”nın əsas komandasında debüt etməyib. Lakin o, bu mövsüm “Barsa Atletik” üçün 20 oyunda 12 qol töhfəsi (9 qol, 3 məhsuldar ötürmə) edib.
