Sorğuda iştirak edən Danimarka vətəndaşlarının təxminən yarısı Birləşmiş Ştatların krallıq üçün “çox böyük” təhlükə yaratdığına inanır.
NOCOMMENT.az xəbər verir ki, bu barədə The Guardian YouGov sorğusuna istinadən məlumat yayıb.
“Respondentlərin 46 faizi ABŞ-ı Danimarka üçün “çox böyük” və ya “olduqca böyük” təhlükə hesab edir. Eyni zamanda, respondentlərin yalnız 44 və 40 faizi müvafiq olaraq Şimali Koreya və İrandan ölkəyə təhlükə görür”, – nəşr yazır.
Sorğu həmçinin göstərib ki, sorğuda iştirak edən danimarkalıların 78 faizi Qrenlandiyanın ABŞ-a satılmasının əleyhinədir və respondentlərin 72 faizi yekun qərarı Danimarka deyil, adanın hakimiyyət orqanları verməlidir.
