“Qarabağ” daha bir legioneri ilə vidalaşmaq üzrədir.
“Qafqazinfo” Fransa mətbuatına istinadən xəbər verir ki, yarımmüdafiəçi Yassin Benzia komandanı tərk etməyə yaxındır.
Çünki 30 yaşlı pleymeyker Qətərin “Umm-Salal” klubu ilə anlaşıb. Futbolçunun Qətər təmsilçisinin rəhbərliyi ilə danışıqları müsbət yekunlaşıb. İndi qalır “Qarabağ”ı transferə razı salmaq. Ağdamlıların da müəyyən təzminat qarşılığında keçidə müsbət yanaşması gözlənilir. Çünki əks təqdirdə, oyunçu yayda azad agent kimi klubu tərk edəcək.
Qeyd edək ki, “Qarabağ” bir neçə gün əvvəl hücumçusu Juninyo Olavionu Braziliyanın “Flamenqo” klubuna satıb.
