Amerika lideri Donald Tramp kilsə və məktəblərə bir sıra immiqrasiya reydləri keçirməyi əmr edib.
Redaktor.az xəbər verir ki , bu barədə ABŞ Daxili Təhlükəsizlik Departamenti məlumat yayıb .
“Cinayətkarlar həbs olunmamaq üçün artıq Amerika məktəblərində və kilsələrində gizlənə bilməyəcəklər. Tramp administrasiyası cəsarətli hüquq-mühafizə orqanlarının əməkdaşlarının əl-qolunu bağlamayacaq, əksinə, onların sağlam düşüncədən istifadə etmələrinə inanacaq”, - agentliyin adı açıqlanmayan rəsmisi bildirib.
Müəlliflər əlavə ediblər ki , Trampın hüquq-mühafizə orqanlarına “əvvəllər qorunan” yerlərdə yoxlamalar aparmaq hüququ verdikdən sonra Nyu-Yorkdan Los-Ancelesə qədər şəhərlərdə miqrant icmaları “kənarda qalır”.
Daha əvvəl Tramp administrasiyasında sərhəd təhlükəsizliyi üzrə nəzarətçi Tomas Homan bildirib ki, ABŞ İmmiqrasiya və Gömrük Mühafizəsi (ICE) qeyri-qanuni miqrantların tutulması və sonradan ölkədən deportasiyası üçün əməliyyatlara başlayıb. Lakin o, ICE-nin hərəkətlərini “reyd” adlandırmayıb, çünki onun sözlərinə görə, hüquq-mühafizə orqanlarının məqsədyönlü əməliyyatları həyata keçirilir və məmurlar kimə və hara baxmaq lazım olduğunu bilirlər, hərəkətləri yaxşı planlaşdırılıb.
BƏNÖVŞƏ
