1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Özbəkistanlı müdafiəçi Abdukodir Xusanov Fransanın "Lens" futbol klubundan İngiltərənin "Mançester Siti" klubuna keçib.
Oxu.Az xəbər verir ki, bu barədə "Mançester Siti"nin Mətbuat Xidməti məlumat yayıb.
20 yaşlı futbolçu ilə müqavilə 2029-cu ilin yayına kimi nəzərdə tutulub.
Qeyd edək ki, Xusanov keçmiş Sovet İttifaqı ölkəsindən olan yeddinci "Mançester Siti" oyunçusudur. 2001-ci ildən bəri klubda rusiyalı yarımmüdafiəçi Andrey Kançelskis, gürcüstanlı müdafiəçilər Kaxaber Tsxadadze və Murtaz Şelia, yarımmüdafiəçilər Georgi Kinkladze və Mixail Kavelaşvili, ukraynalı müdafiəçi Zinçenko çıxış ediblər.
