“Mançester Yunayted”in şotland keçmiş baş məşqçisi, əfsanəvi Ser Aleks Ferqyuson çalışdırdığı ən yaxşı qapıçının adını açıqlayıb.
Arena.az “Give me Sport” dərgisinə istinadən, Ferqyusonun bu barədə qənaətini təqdim edir:
“Qəddar. Son dərəcə tələbkar. Danimarka futbolunun zirvəsi. Peter Şmeyxel – indiyə qədər, ixtiyarımda olmuş ən yaxşı qapıçıdır”, deyə Ser Aleks Ferqyuson vurğulayıb.
Peter Şmeyxel 1991-1999-cu illərdə “Mançester Yunyted”də çıxış edib. Şmeyxel bu müddətdə “qırmızı şeytanlar”ın heyətində 398 oyun keçirib, 328 qol buraxıb, 180 oyundan qapısının toxnulmazlığını təmin edib.
Şmeyxel “Mançester Yunayted”lə İngiltərə Premyer Liqasının (5 dəfə), İngiltərə Kubokunun (3 dəfə), İngiltərə Liqa Kubokunun, İngiltərə Super Kubokunun (2 dəfə), Çempionlar Liqasının (1998/1999), UEFA Super Kubokunun (1991/1992) qalibi olub.
Peter Şmeyxel 1987-2001-ci illərdə çıxış etdiyi Danimarka yığmasının heyətində 129 oyun keçirib, 1 qol vurub, 108 qol buraxıb, 51 oyundan qapısını “quru” saxlamağı bacarıb.
Şmeyxel Danimarka yığması ilə Avropa Çempionatının (1992) və Konfederasiyalar Kubokunun (1995) qalibi olub.
Peter Şmeyxel həmçinin 3 dəfə (1990, 1993, 1999) Danimarkada ilin oyunçusu seçilib.
